Kosova

​Mbi 52 mijë vizitorë në hotele gjatë muajit mars në Kosovë

E premte, 28 Prill 2023 - 19:20 albinfo.ch
(KEYSTONE/Christian Beutler)

Agjencia e Statistikave të Kosovës (ASK) ka publikuar statistikat e Hotelerisë në Kosovë për periudhën mars 2023, ku numri i vizitorëve ishte 52 089, prej tyre 30.76% ishin vendorë dhe 69.24% ishin të jashtëm.

ASK thekson se në mars 2023, pjesë e anketës ishin 146 hotele, që ushtrojnë veprimtari hoteliere në territorin e Kosovës.

“Sipas rezultateve të anketës, numri i vizitorëve (vendorë dhe të huaj) ishte 52 089, prej tyre 30.76% ishin vendorë dhe 69.24% ishin të jashtëm. Ndërsa, numri i netqëndrimeve ishte 111 405, prej tyre 33.54% nga vendorët dhe 66.46% nga të huajt.

Numrin më të madh të vizitorëve e ka rajoni i Prishtinës me 18 567 vizitorë, ndërsa numrin më të madh të netqëndrimeve e ka rajoni i Pejës me 65 253 netqëndrime. Numri më i madh i vizitorëve të huaj përqendrohet në Prishtinë, Pejë, Prizren, e kështu me radhë. Kurse, sa u përket vizitorëve të huaj, numri më i madh ishte nga Shqipëria, Gjermania, Zvicra etj.”, thuhet në njoftim.

 Të tjera nga Kosova

2025: 1.42 miliard euro nga diaspora për Kosovën, më së shumti nga Gjermania dhe Zvicra

 E-Diaspora

 Jeta në Zvicër