1 milion vende pune në Ballkan

Strategjia e krijimit të 1 milion vendeve të reja pune në Ballkan deri në vitin 2020 u miratua në Konferencën Ministrore të Komisionit të Investimit për Evropën Juglindore.

Strategjia “Evropa Juglindore 2020” u miratua nga delegacioni i Ministrave të Ekonomisë nga Shqipëria, Bosnjë e Hercegovina, Bullgaria, Kroacia, Kosova, Mali i Zi, Rumania, Serbia dhe Maqedonia.

Zv. ministrja e Shqipërisë për Zhvillimin e Ekonomisë dhe Tregtisë, Brunilda Paskali, deklaroi se ishte e gatshme për të zbatuar strategjinë e miratuar. “Kam shumë besim te strategjia “Evropa Juglindore 2020″ dhe besoj në vendosmërinë tonë politike për t’i arritur synimet deri në fund”, është shprehur ajo.

Komisioni Evropian ka ofruar ndihmë teknike dhe financiare për përgatitjen e planeve që do të ndihmojnë në zbatimin e strategjisë.