100 mijë njerëz në shenjtërimin e Nënës Terezë

Një grup i vizitorëve nga Zvicra tashmë ka mbërritur në Romë. Përparim Avdili politikan shqiptar nga Cyrihu bashkë me një grup shokësh ka mbërritur në Itali, dhe sjell me fotografi atmosferën një ditë para ngjarjes së madhe botërore të shenjtërimit të Nënë Tereze në Vatikan.

Yjet shqiptarë do të jenë bashkë në Vatikan për shenjtërimin e Nënës Terezës. Interesimi për këtë ceremoni është i jashtëzakonshëm, derisa nuk do të mungojnë as politikanët shqiptarë, shkruan albinfo.ch.

Sopranoja Inva Mula do të interpretojë “Ave Maria” të Schubert. “Thais Meditation” i Massenet do të vijë nën tingujt e violinës së Shkëlzen Dolit.

“Panis Angelicus” do të interpretohet nga sopranoja Ermonela Jaho.  “Fjalët e Qiririt”, të Limos Dizdarit, do të vijnë nga tenori Ramë Lahaj. Të pranishëm aty do të jenë edhe Lorik Cana për të recituar vargje të Nënë Terezës, e po ashtu Majlinda Kelmendi, Gëzim Myshketa, Lum Veseli, Andi Bajgora.

“What Child is This”, një ndër simbolet më të famshme të Krishtlindjeve, do të interpretohet nga këngëtarja e famshme me origjinë nga Kosova, Rita Ora, nën orkestrimin e Shpëtim Saraçit.

Finalizimi do të jetë me himnin e madh të kompozitorit Genc Tukiçi, të titulluar “Vals hyjnor”, me vet vargje të murgeshës së të varfërve gjatë një udhëtimi nga Irlanda në Kalkutë.

Një grup i vizitorëve nga Zvicra tashmë ka mbërritur në Romë. Përparm Avdili politikan shqiptar nga Cyrihu bashkë me një grup shokësh ka mbërritur në Itali, dhe sjell me fotografi atmosferën një ditë para ngjarjes së madhe botërore të shenjtërimit të Nënë Tereze në Vatikan.

Ndërkohë, edhe në trojet shqiptare do të ketë shumë aktivitete me këtë rast. Aktivitetet do të vijojnë më 6 shtator me përurimin medaljoni i Nënë Terezës në zyrën e kryetarit të Bashkisë së Tiranës dhe në datën 7 do të shfaqet një film mbi jetën e humanistes shqiptare.

Është parashikuar se të dielën më shtator mbi 100 mijë persona do të jenë të pranishëm në Sheshin Shën Pietro në Vatikan për të marrë  pjesë në meshën e Shenjtërimit të Nënë Terezës.

Kanë konfirmuar praninë e tyre mjaft delegacione qeveritare nga e gjithë bota.

Ndërsa rreth 600 gazetarë e 125 korrespondentë televiziv janë të akredituar për të ndjekur këtë event të rëndësishëm.