11 mijë të regjistruar nga Zvicra për të votuar në zgjedhjet lokale në Kosovë

Kjo tregon angazhim të madh të diasporës shqiptare për procesin zgjedhor në Kosovë.

Procesi i regjistrimit të votuesve jashtë Kosovës për zgjedhjet lokale të tetorit 2025 është mbyllur më 29 gusht. Sipas Komisionit Qendror të Zgjedhjeve, nga gjithsej 56,778 aplikime, janë miratuar 46,015.

Në mesin e tyre, Zvicra renditet e dyta pas Gjermanisë, me 11,024 qytetarë të regjistruar për të votuar. Kjo tregon angazhim të madh të diasporës shqiptare në Zvicër për procesin zgjedhor në Kosovë.

Sipas KQZ-së, gjatë periudhës së aplikimit (23 korrik – 29 gusht) 10,094 janë refuzuar.

---