11-vjeçarja nominohet si aktorja më e mirë në Golden Globes

Vogëlushja 11-vjeçare, Helena Zengel, fitoi Çmimin Gjerman të Filmit si aktorja më e mirë. Tani ajo është nominuar edhe për Golden Globe, përcjell albinfo.ch.

Thuhet se ajo është nominuar krahas yjeve të Hollivudit, Jodie Foster dhe Glenn Close, për Golden Globe, për rolin e saj në filmin me Tom Hanks “Të reja nga bota” (News from the World).

Vitin e kaluar, kur sapo kishte mbushur 11 vjeç, Helena u nderua për rolin e saj në filimin “Systemsprenger” me Çmimin Gjerman të Filmit si aktorja më e mirë.

Në një intervistë për stacionin televiziv gjerman RBB, ajo tha se “para fillimit të xhirimeve e dija që Tom Hanks ishte aktor, por nuk e dija se sa i famshëm është ai në të vërtetë. Sepse ai bën filma për të rritur dhe unë më parë nuk kisha parë kurrë ndonjë film me të”.