12 kg çokoladë për kokë banori

120 copë çokolada ka qenë konsumimi për kokë banori i çokoladës gjatë vitit që shkoi në Zvicër

Zviceranët nuk janë vetëm prodhuesit, ndër më të mëdhenjtë në botë dhe më cilësorët, të çokoladës. Ata po ashtu janë edhe konuimues të mëdhenj të saj, në të gjitha variantet.

120 copë çokolada në madhësi standarde (100 gramëshe) ose 12 kg,  vlerësohet se ka qenë konsumimi për kokë banori i ëmbëlsirës më të njohur zvicerane gjatë vitit që shkoi.

Ose, ndryshe, secili zviceran ka ngrënë 300 gramë më shumë çokoladë se një vit më herët, ka njoftuar Choco-Suisse, federata e prodhuesve të çokoladës në nivel vendi.

Rreth 60 për qind e prodhimit të çokoladës zvicerane shpëndahet jashtë vendit, shkruan nzz.online. Dy tregjet ku kjo çokoladë shitet më së shumti, Gjermania dhe Italia kanë blerë rreth 25% më shumë se një vit më parë.

Ndërkaq, nga sasia e çokoladës së konsumuar nga vetë zviceranët gjatë vitit 2010 dy të tretat kanë qenë prodhim vendor dhe një e treta prodhim i huaj.