161 serbë aplikuan për të konvertuar patentë shoferin

Keystone EPA/GEORGI LICOVSKI

Ministria e Punëve të Brendshme e Kosovës ka njoftuar se për gjashtë ditë, 161 serbë kanë aplikuar për t’i konvertuar patentë shoferët ilegalë të lëshuar nga strukturat paralele serbe në RKS.

“Nga data 09.05.2024 deri me tani kemi pranuar 161 aplikime për patentë shoferë sipas vendimit të Ministrit me Nr. prot. 0258/24. Ne kemi hartuar një plan të komunikimit që përmes disa aktiviteteve mediale do t’i mbajmë të informuar qytetarët për mënyrat se si mund t’i konvertojnë patentë-shoferet ilegalë në legalë, në këtë fazë procesi po shkon mirë. Veprimet  e mëtutjeshme janë të përcaktuara në Vendim, sipas të cilit pas datës  09.08.2024 ndalohet përdorimi  i këtyre patentë shoferëve në trafikun rrugor në territorin e Republikës së Kosovës”, thuhet në përgjigjen e MPB-së, ndër të tjera./Koha.net