Asllani shpallet lojtari i ndeshjes Shqipëri-Gjeorgji

Kombëtarja shqiptare e futbollit fitoi 0-1 mbrëmjen e sotme përballë Gjeorgjisë, duke arritur një fitore historike në Tbilisi.

Fitorja e parë në fushën e gjeorgjianëve rikthen sërish shpresat e kuqezinjve për të qenë të parët në grupin B1 të Ligës së Kombeve.

Kristjan Asllani ishte lojtari më i mirë i ndeshjes, pasi me golin e tij nga jashtë zone vendosi fatet e këtij takimi dhe i dha Kombëtares kuqezi tri pikë të arta. Për këtë ai u shpall dhe lojtari më i mirë i ndeshjes, duke u vlerësuar me notën 8.4, sipas “Sofascore”, transmeton atsh, përcjell albinfo.ch.

Nota mbi 7 morën edhe lojtarët e mbrojtjes dhe portieri Strakosha.

Ndërsa mesfusha Ramadani, Laçi, Bajrami dhe Asani nuk e arritën dot notën 7.

Sulmuesi Tuci, i cili debutoi që nga minuta e parë me fanellën kuqezi, arrit të merrte notën 7.