200 denoncime për shqetësime telefonike

Që nga hyrja në fuqi e ligjit të ri (1 prill) për konkurrencën e padrejtë, organizatat zvicerane të konsumit kanë marrë rreth 200 denoncime

Këto të fundit kanë të bëjnë kryesisht me thirrje telefonike të padëshiruara, pohon agjencia ATS.

Rreth tri të katërtat e denoncimeve të marra nga Federata frankofone për konsumatorët (FRC) lidhen me mosrespektimin e fusnotës të shënuar me një yll të vockël, “gjë që nuk është e çuditshme aspak”, thekson Valérie Muster për FRC-në.

Gjithashtu, në pjesën gjermanofolëse të po kësaj organizate prej 100 denoncimeve të marra, tri të katërtat përfshijnë mospërputhje me fusnotën.

Ticino, nga ana e saj, nuk ka qenë ende në gjendje të japë shifra të tilla.

Fenomeni është në rritje

Ligji i ri për konkurrencën e padrejtë ka hyrë në fuqi që nga 1 prilli. Prej asaj dite organizata për konsumatorë (FRC), ajo e gjermanofolësve (SKS) si dhe ajo e Ticino-së (ACSI) kanë vënë në dispozicion të qytetarëve në internet formularët përkatës për denoncim.

Teksti i ri parasheh mbrojtjen sa më të mirë të konsumatorëve dhe të ndërmarrjeve. Përveç thirrjeve telefonike të pakërkuara, mashtrimeve nëpërmjet listave të numrave të librit telefonik, premtimeve joreale për fitime marramendëse, edhe veprime të tjera mund të raportohen dhe të denoncohen, siç janë faqet e internet për shitje me boshllëqe në on-line.

Mashtrimet dhe premtimet për fitime janë po ashtu shumë të raportuara. Ndryshe, zonja Muster merr shembullin e rasteve ku nëpërmjet telefonit disa persona mësojnë që kanë fituar një udhëtim me autobus, gjatë të cilit ata do t’ ju shesin me çmime të volitshme vegla të ndryshme për shtëpinë tuaj.

Version modern i këtyre mashtrimeve qëndron te ofertat e veçanta. KOmpania ju ftojnë në restorant, pastaj përshëmbull, mund të bleni gjëra të dobishme me çmime shumë interesante.