2023: Mërgimtarët kanë dërguar në Kosovë mbi 1.3 miliardë euro

pixabay

Deri në muajin dhjetor të vitit 2023 mërgimtarët kanë dërguar në Kosovë, një miliard e 344.50 milionë euro. Kjo shifër paraqet rritje prej 10 për qind krahasuar me periudhën e njëjtë të vitit paraprak, sipas njoftimit nga Banka Qendrore e Kosovës.

Në statistikat e remitencave dhe institucioneve të tjera financiare për muajin dhjetor 2023, të publikuara nga BQK-ja, raportohet se vlera e tyre për këtë muaj ishte 129.10 milionë euro.

Sipas raportit, prurjet më të mëdha të remitencave kanë qenë nga institucionet financiare jobankare me pjesëmarrje prej 49.90 për qind, pasuar nga kanalet tjera me 36.70 për qind dhe bankat me 13.30 për qind, transmeton albinfo.ch.