21-vjeçari që jetonte me dokumente false greke

Dy dokumente i janë gjetur shqiptarit, një pasaportë dhe patentë e shoferit greke, derisa policia ka konstatuar se dokumentet janë të falsifikuara

Pas një kontrolle të patrullës së përbashkët gjermane dhe zvicerane në vijën kufitare në Weiler, policia ka arrestuar një shqiptar 21-vjeçar, i cili kishte dokumente të falsifikuara greke, shkruan ‘presseportal.de’.

Dy dokumente i janë gjetur shqiptarit, një pasaportë dhe patentë e shoferit greke, derisa policia ka konstatuar se dokumentet janë të falsifikuara, përcjell albinfo.ch.

Gjatë marrjes në pyetje në polici, shqiptari e ka pranuar se dokumentet janë të falsifikuara.

Ai kishte jetuar në Gjermani me emër jo të vërtetë dhe tani ndaj tij janë hapur një sërë akuzash si për falsifikim, shkelje të ligjit për qëndrim dhe vozitje pa leje.