Jeta në Zvicër

2500 franga për çdo person, dështon projekti në Zvicër

Një fshat zviceran kishte në plan që të paguante fshatarët zviceranë me 2500 franga në muaj, megjithatë, nuk ka arritur të sigurojë fonde të mjaftueshme për të realizuar këtë projekt, shkruajnë mediat zvicerane.

Grumbullimi i fondeve për projektin dhe dokumentarin shoqërues nga Rebecca Panian përfundoi të martën me vetëm 150.000 franga (150.600 dollarë) të grumbulluara – shumë më pak se 6.1 milionë franga të kërkuara për të nisur eksperimentin në fshatin Rheinau pranë Cyrihut, përcjell albinfo.ch.

Paniani është shprehur se kishte qenë e vetëdijshme për vështirësitë e grumbullimit të hollave në një periudhë të shkurtër kohore. “Pritjet ishin të larta, shumë të larta. Ishte një projekt i guximshëm”, tha ajo të martën.

Fshatarët do të kishin marrë të ardhura bazë të pakushtëzuara prej CHF 2,500 në muaj për një vit, transmeton albinfo.ch.

Zvicra hodhi poshtë një iniciativë për të ardhura të ngjashme të pakushtëzuara themelore në një referendum kombëtar në vitin 2016.