28 raste të dyshuara për korrupsion në Gjermani

Njëzet e tetë raste janë ngritur kundër zyrtarëve gjermanë të shtetit në vitin 2015, me dyshimin për korrupsion, sipas “Welt am Sonntag”, duke iu referuar raportit të qeverisë gjermane.

Ka një rritje në krahasim me vitet 2014 dhe 2013, kur janë regjistruar 19 hetime për korrupsion dhe 12 në vitin 2012.

Mediat gjermane flasin edhe për listën e zyrtarëve gjermanë që kanë marrë ryshfet dhe dyshohen për shpërdorim të detyrës, përcjell albinfo.ch.

Dyshimet më të mëdha shkojnë në Ministrinë e Punëve të Jashtme,  ku vitin e kaluar janë paraqitur kundër 15 të punësuarve 11 raste. Shumica e tyre janë qendra për lëshimin e vizave jashtë vendit. Për shumë raste ende nuk janë zgjidhur në gjykatë.