3 futbollistë shqiptarë në formacionin e javës në Zvicër

Faqja Sofascore e ka përfshirë portierin Amir Saipi, mbrojtësin Adrian Bajrami dhe mesfushorin Benjamin Kololli në formacionin ideal të javës 33 të Superligës zvicerane

Futbollistët shqiptarë vazhdojnë të shkëlqejnë në Superligën zvicerane.

Faqja Sofascore e ka përfshirë portierin Amir Saipi, mbrojtësin Adrian Bajrami dhe mesfushorin Benjamin Kololli në formacionin ideal të javës 33 të Superligës zvicerane, përcjell albinfo.ch.

Portieri i Luganos shkëlqeu në fitoren 1:0 në udhëtim ndaj Zurichut. Sofascore portierin e Kosovës e vlerësoi me notën e lartë – 8.0.

E mbrojtësi shqiptar nga Maqedonia e Veriut bëri paraqitje solide për Luzernin në barazimin 2:2 me St Gallen, ndërsa u vlerësua me notën 7.6.

Mesfushori Kololli e mori notën 7.7 në mesfushë pas paraqitjes mbresëlënëse për Sionin në fitoren 3:0 ndaj Lausannes.

---