36 raste me fruth po trajtohen në Klinikën Infektive

Pas raportimit të vdekjes së një foshnje 15-muajshe e diagnostikuar me fruth në Klinikën Infektive U.D. i drejtorit të përgjithshëm të Shërbimit Spitalor dhe Klinik Universitar të Kosovës, Basri Sejdiu, ka vizituar këtë klinikë.

Në takim me drejtorin dhe kryeinfermierin e kësaj klinike, Naser Rrustemi, ai u njoftuar për numrin e rasteve të mjekuara deri tani dhe për masat që kjo klinikë ka ndërmarrë për të menaxhuar situatën.

Ramadani njoftoi se momentalisht në këtë klinikë janë duke u mjekuar 36 raste me fruth, prej tyre 4 janë në gjendje më të komplikuar, përderisa 75 raste të tjera, pasi kanë marrë ndihmën mjekësore, pas trajtimit janë liruar për në shtëpi. Sipas tij, pacientët janë të moshave të ndryshme, duke filluar nga foshnjat e deri tek mosha 40-vjeçare, përcjell albinfo.ch.

Ndërsa Sejdiu premtoi se do të angazhohet që së bashku me Bordin drejtues dhe Ministrinë e Shëndetësisë të përmirësohet gjendja qoftë për sa i përket furnizimit me barna dhe material shpenzues, por edhe infrastrukturën dhe pajisjet e nevojshme.