43 vjet nga demonstratat e vitit 1981

Albin Kurti, FB

11 marsi shënon 43-vjetorin e fillimit të demonstratave të studentëve që nisi për shkak të kushteve të rënda në Mensën e Studentëve e u shndërruan në protestë të gjithëmbarshme.

“Nga ky reagim u ngjiz një lëvizje e tërë e aktivizmit politik, që duke artikuluar politikisht pakënaqësinë e shqiptarëve të Kosovës ndaj pabarazisë në qasje të shtetit federativ të Jugosllavisë, brenda një muaji, nxori në rrugë për të demonstruar qindra-mijëra njerëz të një popullsie të Kosovës asokohe diç më shumë se një milion e gjysmë. Demonstratat e vitit 1981 ishin revoltë gjithëpopullore ndaj një periudhe të gjatë, ku shqiptarët në Jugosllavi ishin të nënpërfaqësuar, të diskriminuar, të shtypur, të eksploatuar ekonomikisht, të kufizuar në të drejta kulturore dhe politike. Kështu, Kosova ishte lënë si zona më e pazhvilluar dhe më e prapambetur në Jugosllavi, porsi një koloni”, tha kryeministri i Kosovës, Albin Kurti, që e shënoi këtë përvjetor.

Demonstratat e ’81-shit shënojnë edhe kërkesat e shqiptarëve të Kosovës për drejtësi e pavarësi.