6 mijë azilantë në tremujorin e dytë në Zvicër

Në Zvicër rreth 6.000 këkesa azili janë regjistruar nga prilli deri në fund të qershorit. Kjo është më pak se në tremujorin e njëjtë të vitit të kaluar dhe më pak se në tremujorin e parë të vitit 2016.

Në gjashtë muajt e parë të këtij viti  14’277 njerëz kanë kërkuar azil në Zvicër, nga të cilët 5962 në tremujorin e dytë. Krahasuar me gjashtëmujorin e parë të vitit 2015, kjo do të thotë një rritje prej 20 për qind, njofton Sekretariati i Shtetit për Migrim (SEM), përcjell albinfo.ch.

Në qershor të vitit 2016 , rreth 2329 kërkesa azili, rreth një e katërta më shumë se në muajin maj, por në të njëjtën kohë rreth 40 për qind më pak se në qershor 2015.

Shumica e azilkërkuesve kanë ardhur nga Eritrea, përkatësisht 512. Vende të tjera të zakonshme të origjinës janë Somalia (255 dhe Siria (149).