60 të lënduar nga aksidenti i trenave në Amsterdam

Raportohet se së paku 60 vetë janë lënduar dje kur dy trena të udhëtarëve janë ndeshur direkt njëri me tjetrin afër Amsterdamit në Holandë

Zëdhënësi policor, Ed Krashevski, ka konfirmuar se 60 persona janë lënduar, 15 deri 20 prej tyre më lëndime të rënda.

Pamjet e përplasjes të transmetuara në televizionin e Holandës tregonin se të dy trenat ende qëndronin në binarët e tyre dhe dukej se nuk kishte dëmtime të mëdha.

Autoritetet e transportit në Holandë thonë se po zhvillojnë hetime për këtë rast.