7600 ushtarë kanë nisur shkollën e rekrutëve

Ndërkaq numri përfundimtar i rekrutëve që do të vazhdojnë dhe i atyre që do të përjashtohen nga shërbimi pritet të dihet jo më parë se më 14 nëntor 2016

Për startimin e Shkollës së Rekrutëve të vitit 2016, që ka qenë sot, më 31 tetor, ushtria e Zvicrës llogarit me rreth 7600 rekrutë, në mesin e të cilëve edhe 65 femra. Rreth 1400 rekrutë do ta kryejnë shërbimin e tyre në mënyrë të pandërprerë, “në bllok” ose DD, thuhet në një komunikatë të Ministrisë së Mbrojtjes.

Ndërkaq numri përfundimtar i rekrutëve që do të vazhdojnë dhe i atyre që do të përjashtohen nga shërbimi pritet të dihet jo më parë se më 14 nëntor 2016.

Ushtria synon të evitojë që personat të cilët përfaqësojnë rrezik për rrethin e tyre të mund të absolvojnë shkollën e rekrutëve, transmeton albinfo.ch. Nisur nga kjo, me rastin e rekrutimit është futur edhe provimi individual për siguri i rekrutëve, përmes qendrës profesionale për siguri personale. Pra startimit të shkollës, ndjekja e saj u është mohuar 32 personave.

Rekrutët të cilëve u nevojitet ndihma, do të gëzojnë mbështetje mjekësore, religjioze, psikologjike dhe sociale. Shërbimi social i ushtrisë ofron ndihma veçanërisht në lidhje e problemet financiare të rekrutëve, për çfarë ata mund të paraqiten në numrin e telefonit 0800 855 844.