80% e zviceranëve duan “pushim të lindjes” për etërit

Më shumë se 80 për qind e popullit në Zvicër do të dëshironte që për etërit e rinj të ketë një “pushim të lindjes” në mes dy dhe katërjavësh. Këtë qëndrim është konstatuar në një sondazh të realizuar me 861 të anketuar, të publikuar sot nga federata e sindikatave Travail Suisse.

Te të gjitha shtresat dhe moshat ashtu si dhe te të dy gjinitë mbizotëron mbizotëron dukshëm përqindja e atyre që duan pushim lindjeje edhe për baballarët.

Megjithatë, dallime ka sipas regjioneve. Kështu, ndërkohë që në regjionin frankofon shprehen 89% në favor të këtij pushimi, në atë gjermanishtfolës kjo shkallë është 79, transmeton albinfo.ch mediet zvicerane.

77% të meshkujve dhe 85% të femrave preferojnë të ekzistojë e drejta për pushim me pagesë për etërit pas lindjes së fëmijës. Në këtë pikë nuk ka dallime as në mesin e prindërve dhe atyre që nuk kanë pasur fëmijë.

Te të rinjtë bie në sy se tendenca pro pushimit është më e madhe se te të moshuarit. Por asnjë shtresë e popullit nuk bie në më pak se 70% sa i përket përkrahjes.
Si kohëzgjatje ideale për pushimin e “atësisë” nuk ka ndonjë përcaktim unik. Por afërsisht 40% janë për një pushim 2 javor dhe 40% për pushim 4 javor. Pjesa tjetër do të ishte e kënaqu me edhe më pak ditë pushimi.