95 milionë euro më shumë të hyra nga Doganat

Drejtori i Doganave të Kosovës, Naim Hurgulica, ka thënë se doganat vazhdojnë të jenë kontribuuesi më i madh i buxhetit të Kosovës

Deri më tash Doganat e Kosovës kanë arritur të grumbullojnë më shumë të hyra për 95 milionë euro se sa vitin e kaluar.

Drejtori i Doganave të Kosovës ka bërë të ditru se për këtë vit është planifikuar të ketë 18.2 për qind më shumë të hyra se sa vitin e kaluar, ndërsa deri më tash janë realizuar 17.5 për qind, duke lënë kështu të hapur mundësinë që deri në fund të vitit të tejkalohet plani i paraparë.

Edhe pse serbët kanë vendosur barrikada në veri, në shenjë pakënaqësie ndaj vendosjes së doganierëve të Kosovës në pikat kufitare 1 dhe 31, Huruglica ka bërë të ditur se nuk do të ketë ndonjë problem në funksionimin e këtyre pikave.

Sipas tij, atje nuk do të ketë zhdoganime, por vetëm evidencë të hyrjes së mallit.