Hapet muzeu i FIFA-s në Cyrih

Në Cyrih është përuruar muzeu i FIFA-s. Ndërtesa ishte ndërtuar për 20 muaj, ndërsa presidenti i ri i FIFA-s, Gianni Infantino, në hapje kishte thënë se ky është një vend ku mund ta përjetoni futbollin.

„Këtu ju mund të kapeni nga virusi i futbollit në qoftë se nuk e keni prekur ende. Këtu vetëm futbolli është i rëndësishëm” – tha Infantino.

Muzeu mbulon një sipërfaqe prej 3 mijë metrash katrorë dhe ekspozon mbi një mijë artikuj, rreth 1400 fotografi, a 500 video, 60 ekrane dhe 15 vende argëtimi. Ai ka një bar sportiv, kafene dhe bibliotekë.