Marie Ineichen-Fleisch në krye të SECO-s

Në krye të Sekretariatit të Shtetit për Ekonomi (SECO) është emëruar sot nga Qeveria Federale Marie-Gabrielle Ineichen-Fleisch. Ajo do të zëvendësojë në postin e drejtorit Jean-Daniel Gerber, i cili pensionohet në fund të marsit.

Ineichen-Fleisch është 49 vjeçe, juriste, me përvojë shumëvjeçare në institucionet federale. Punën e ka filluar në ish Entin Federal për Ekonomi të Jashtme ndërsa prej katër vitesh ka bërë pjesë në udhëheqjen e SECO-s, ku ka pasur si sektor tregtinë e jashtme.