Brexit, Banka Nacionale e Zvicrës, e gatshme për të intervenuar

Banka Nacionale e Zvicrës, SNB, është e gatshme të intervenojë në rast suksesi në referendumin e propozuar për braktisjen e Bashkimit Evropian nga Britania e Madhe.
Votimi i ardhshëm në Britani të Madhe për braktisjen e BE-së ka ndikuar në punën e Bankës Nacionale të Zvicrës, SNB.
SNB do të marrë masa për të shmangur një forcim të frangut në tregun valutor, njoftoi presidenti i SNB-së, Thomas Jordan.

Shumë investitorë janë të shqetësuar për pasojat e paparashikueshme të një Brexit dhe për këtë kërkojnë strehë në asete të qëndrueshme, siç është frangu zviceran.
Frangu i fortë i bën mallrat zvicerane jashtë vendit të shtrenjta dhe kështu ngadalëson ekonominë e orientuar nga eksporti.