Nga ky burg zviceran ik çdo i pesti i burgosur!

11 nga 52 të burgosurit i kanë ikur! Drejtoresha nuk mund të sqarojë arsyen e ikjes së kaq shumë të burgosurve brenda shtatë muajve të këtij viti nga burgu që ajo drejton

I gjithë kapaciteti i burgut është për 52 veta ndërsa më shumë se një e pesta e banorëve të tij ose 11 sish, tashmë kanë ikur. Kjo është historia e habitshme e burgut Gmünden në Kantonin Aargau. Por si e shpjegon drejtoresha Horwath këtë dukuri që e bën burgun “e saj” kaq unik?

Ajo sqaron që në fillim se fjala është për burg të tipit të hapur dhe se kriminelët e rëndë parimisht nuk vendosen në një burg të tillë, shkruan tagblatt.ch. Banorët e këtij burgu pra janë të burgosur për qëndrim ilegal në Zvicër, mashtrim, vjedhje ose për delikte të rënda apo të përsëritura në trafik, transmeton albinfo.ch. Nisur nga kjo, të burgosurit e arratisur nuk përbëjnë rrezik të drejtpërdrejtë.

Por, drejtoresha nuk mund të sqarojë arsyen e ikjes së kaq shumë të burgosurve brenda shtatë muajve të këtij viti nga burgu që ajo drejton.

Ajo që Horwath e di me siguri është se janë dhënë urdhra internë për të parandaluar incidentet e tilla, përcjell albinfo.ch. Janë shqyrtuar po ashtu ‘aedhe mundësitë teknike për përmirësimin e standardit të sigurisë së burgut, shkruan gazeta.

Si për ngushëllim, Horwath thekson se mesatarisht dy të tretat e të arratisurve arrihet të kthhen nga policia në burg ose kthehen vullnetarisht aty.