Sport
Dëshpërimi i Shqipërisë në Olimpiadë
57 është numri i sportistëve që kanë përfaqësuar Shqipërinë në tetë olimpiada, nga Munih 1972 e deri në Rio 2016
Shqipëria lë prapa krahëve një tjetër olimpiadë te dështuar jo vetëm në garën për medalje, duke mos dalë jashtë traditës edhe në Rio. Shqipëria u paraqit me gjashtë garues, por ishin larg zonës së medaljeve, shkruan albinfo.ch.
Eliminimi i Luiza Gegës thyen parakohe shpresat e shqiptarëve të cilët pas Evropianit të futbollit ëndërronin të shikonin për herë të parë një përfaqësues kuqezi në podiumin olimpik. Por, duke hedhur sytë nga e kaluara, duket se olimpiadat janë një ters për Shqipërinë.
Atletja 27-vjeçare, një muaj para Rios ishte kurorëzuar me titullin nënkampione e Evropës, por në Brazil, ndoshta edhe nga lëndimi, numri dy i kontinentit të vjetër shpërfytyrohet dhe del e 48-ta mes 52 atleteve. Në një mënyrë tjetër, por tersi përcaktoi edhe fatin e kampiones aktuale olimpike Majlinda Kelmendi. Kur garoi në Londër për flamurin shqiptar katër vjet më parë, pejania pretendonte zonën e medaljeve. Por, ajo u rendit vetëm e nënta duke u eliminuar me ngjyrat e Shqipërisë që në turin e dytë. Por vetëm një vit më pas, kur Kosova u pranua, Majlinda nën flamurin e ri u shpall kampione bote. Titull që e fitoi edhe një herë tjetër.
57 është numri i sportistëve që kanë përfaqësuar Shqipërinë në tetë olimpiada, nga Munih 1972 e deri në Rio 2016.
Rezultati më i mirë është ai i peshëngritësit Ymer Pampuri më 1972, i cili do të mbahet mend si kampioni i fundit olimpik në stilin e forcës, si dhe mbajtësi i fundit i rekordit botëror në këtë disiplinë të peshëngritjes që më pas u hoq.
Edhe në Rio e vetmja dritë pozitive ishte ajo e Briken Caljes, i cili në peshën 69 kilogramë humbi vetëm për 10 gramë të peshës personale vendin e pestë, që ishte edhe përgjigja më e mirë ndaj polemikës që ai pati me krerët e Komitetit Olimpik Shqiptar.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla