FDP dhe CVP, në gjendje të vështirë

Partia e Gjelbër Liberale ka shënuar rritje në kurriz të FDP-së, e cila, nga ana e saj, dëshmon një rënie serioze të përkrahjes

Barometri zgjedhor, rezultatet e të cilit janë publikuar të mërkurën, ka nxjerrë në pah disa zhvillime interesante. Siç ka konstatuar realizuesi i sondazhit, instituti për hulumtimin e opinionit publik gfs.bern, Partia e Gjelbër Liberale ka shënuar rritje në kurriz të FDP-së, e cila, nga ana tjetër, tregon një rënie serioze të përkrahjes.

Por edhe partitë SVP dhe BDP kanë marrë po ashtu një pjesë të votuesve potencialë të partisë më të vjetër dhe themelueses së shtetit modern zviceran, FDP-së.

Nga të njëjtat parti, thuhet se ka humbur zgjedhësit e saj edhe partia tjetër, CVP, e cila po ashtu është ndarë keq në këtë sondazh, shkruan news.search.ch. Asaj, i kanë ikur zgjedhësit edhe në partinë e Gjelbër. E gjithë kjo tregon për një gjendje të rëndë të FDP-së dhe CVP-së, ka thënë Claude Longchamp, udhëheqës i gfs.bern.