Grup pune për “raste ekstreme”

Qeveria e Zvicrës synon të formojë një grup pune për raste ekstreme të katastrofave natyrore

Tërmetet, Cunami dhe katastrofa atomike që ndodhën në të njëjtën kohë në Japoni, kanë tërhequr edhe një herë vërejtjen për rëndësinë që ka përgatitja e mirë për raste ekstreme.

Për të qenë të përgatitur për zhvillime të paparashikueshme, Qeveria e Zvicrës synon të formojë një grup pune për raste të tilla. Grupi i punës do të përbëhej nga specialistë të nivelit federal por do të kishte edhe përfaqësues nga kantonet, njofton drs.ch

Departamentet përkatëse të Qeverisë Federale do të obligohen që deri në mesin e vitit 2012 të dorëzojnë raportet e tyre lidhur me idenë e krijimit të grupit. Ato do të duhet të ofrojnë edhe projekte për ndryshimet eventuale të ligjeve të caktuara në këtë kontekst.