Arrestohen katër trafikantë shqiptarë

Të arrestuar janë Gjerard Markaj, Riza Hasani, Shefqet Velaj dhe Zeqir Bajrami

Policia shqiptare ka arrestuar katër shqiptarë dhe ndali 15 sirianë që kishin dashur të shkruajnë në Kosovë për të depërtuar në Evropën Perëndimore, ‘usnews.com’.

Sipas policisë shqiptare, finalizohet me sukses operacioni antitrafik i koduar “Kaskada”, ku u arrestuan në flagrancë katër shtetas për veprën penale “Ndihma për kalim të paligjshëm të kufijve, në bashkëpunim”, përcjell albinfo.ch.

Të arrestuarit janë Gjerard Markaj, 35 vjeç, banues në Tiranë, Riza Hasani, 54 vjeç, banues në Kamëz, Tiranë, Shefqet Velaj, 34 vjeç, banues në Kamëz, Tiranë dhe Zeqir Bajrami, 27 vjeç, banues në Tiranë.

Arrestimi i tyre u bë pasi në datën 30.09.2016, në rrugën e Kombit, në vendin e quajtur “Fushë-Dugagjin”, me drejtim lëvizje Tiranë-Kukës, u kapën në flagrancë, duke transportuar 15 shtetas të huaj, sirianë, me automjetet e tyre, tip “Volgswagen” me targa AA 517 KS, automjetin tip “Benz”, me targa AA 973 GF dhe automjetin tip “Golf”, me targa AA 013 AF, cilët nëpërmjet kufirit të gjelbër do t’i kalonin për në Kosovë, kundrejt fitimit.