„Brez pas brezi“, ekspozitë e Valentina Marevcit në Cyrih

Ekspozita personale e artistes së re nga Kosova hapet më 8 tetor 2016, në orën 19:00, në Qendrën Kulturore të Kosovës, në Cyrih.

Valentina Marevci, krijuese e re nga Kosova, vjen për të prezentuar pikturat e saj në Zvicër.Bëhet fjalë për ekspozitën e saj personale, të parën në Zvicër, që është titulluar „Brez pas brezi“.

Piktorja Marveci sjell pikturat për të cilat ishte inspiruar nga trashëgimia kulturore në Kosovë.

Në pikturat e saj dominojnë ngjyrat e ngrohta, të cilat i kanë punuar vaj në pëlhurë me dimensione standarde.

Nëpërmjet kësaj ekspozite, artistja e re do ta ketë mundësinë të shpalosë vlerat artistike para artdashëve shqiptarë që jetojnë dhe veprojnë në Zvicër.