Përurim librash dhe manifestim kulturor kushtuar “Ditës së Gjuhëve Evropiane”

Në shtëpinë e Kulturës në Auwiesen të qytetit të Linzit në Austri, të premten, më 30 shtator  është mbajtur manifestimi kulturor kushtuar „Ditës së Gjuhëve Evropiane“ me emrin „Si tingëllojnë lirikat në dy gjuhë- Mbretëria e Fluturave“ i titulluar sipas librit të gjashtë që promovoi autori shqiptar që jeton në Austri, Izri Rexha, shkruan “albinfo.ch”.

Këtë organizim kulturor e udhëhoqën Prof. Izri Rexha së bashku me z.Mag. Christina Mack nga komuna e Linzit, të cilët gjithashtu mbajtën fjalën përshëndetëse.

Fjalen e nderit e mbajti e dërguara e Kryebashkiakut z. Paulina Wessela. Po ashtu u prezantua libri i autorit Izri Rexha si dhe përmbledhje librash me poezi të autorit Haxhi Morina.

Mendimin kritik e referuan Afrim Dedushi dhe  Haxhi Muhaxheri.

Programi ishte mjaft i ngjeshur me pika të ndryshme që e bënin këtë aktivitet kulturor mjaft modern, e veçanërisht grupi i vajzave të Baletit të udhëhequra nga Elda Sopa, grupi i valleve të Shoqatës „Ilrët“ nga Suella Maqastena, këngëtarja e re Besarta Bajraktari, grupi i Teatrit të udhëhequra nga Selma Beluli si dhe recitimet e nxënësve.

E veçanta e këtij manifestimi ishte shoqërimi me këngë nga këngëtari Malush Krasniqi.

Albinfo.ch