Gjysma e “temporär”-ëve pa paga minimale

Të punësuarit përmes zyrave për punësim të përkohshëm duhet të barazohen para ligjit me të punësuarit tjerë

Një numër i madh i zyrave për ndërmjetësim të përkohshëm të punëtorëve (Temporär) nuk respektojnë rregullat që përcaktojnë pagesën minimale. Madje, sipas Federatës Zvicerane të Sindikatave SGB gjatë vitit të kaluar pagat minimale nuk i kanë paguar afërsisht gjysma e zyrave të përmendura.

Sipas sindikalistëve të punësuarit përmes zyrave për punësim të përkohshëm duhet të barazohen para ligjit me të punësuarit tjerë. Këtë e ka deklaruar sot në një konferencë për medie përgjegjësi për ekonomi në SGB Daniel Lampart.

Ai ka thënë më tutje se ky barazim duhet të respektohet njësoj nga të gjitha ndërmarrjet dhe të gjitha degët e ekonomisë. Po ashtu edhe për ndërmarrjet si Swisscom ode SBB, të cilat nuk i janë bashkuar marrëveshjes kolektive për punësim të përkohshëm.