Piloti ka sulmuar me qëllim shtëpinë prindërore

Ajo që tashmë është jashtë çdo dileme, është se piloti i aeroplanit të vogël ishte i biri i gruas që banonte në shtëpinë e sulmuar

Rasti i raportuar të shtunën, i rrëzimit të aeroplanit mbni një shtëpi në Oberhallau të Schaffhausen-it po dëshmohet si sulm i qëllimtë.

Kështu, ajo që tashmë është jashtë çdo dileme, është se piloti i aeroplanit të vogël ishte i biri i gruas që banonte në shtëpinë e sulmuar.

Këtë të dhënë e ka konfirmuar policia kantonale, e cila po ashtu supozon se shënjestrimi i shtëpisë në fjalë nga piloti 48 vjeçar, mund të ketë qenë i qëllimtë, shkruan drs.ch.

Mirëpo, policia nuk ka ende të dhëna për të vërtetuar nëse personi në fjalë ka pasur për qëllim të lëndojë dilkë ose jo. Kjo, me gjithë faktin se policia ka në dorë një letër përshëndetëse që kishte shkruar më parë piloti tashmë i ndjerë.