Dhelpra kafshon fëmijën në dhomë

Në qytezën Bülach të Zvicrës, një dhelpër e ka kafshuar një fëmijë trevjeçar, në dhomën e shtëpisë ku ai banonte. Mbrëmjen e së premtes, qytetarja Isabel Becerra ka dërguar vajzën e saj trevjeçare Grace në shtrat dhe pasi asaj mbrëmjeje ka qenë vapë e madhe, ajo e ka hapur dritaren e dhomës.

„Reth orës 22.30, unë e dëgjova Grace duke bërtitur. Menjëherë shkova në dhomën e saj dhe pashë se shtrati ishte mbushur përplot gjak, ndërsa në dritare e pashë një bisht shtëllungë me ngjyrë të kuqe, që u zhdukë shumë shpejt“, ka deklaruar Becerra për të përditshmen „Tages-Anzeiger“.

Nëna e shqetësuar, është e sigurt se bëhet fjalë për dhelpër. „Fqinja ime më pohoi se më vonë e kishte parë dhelprën se si sillej pranë shtëpisë. Ajo u përkujdes për vajzën time më të madhe, përderisa e dërgova Grace në spital“, ka shpjeguar Becerra.

Edhe përpos lëndimeve të fituara, Grace është përmirësuar dukshëm, ndërsa nëna e saj është edhe më tej e brengosur. Shoqata e gjuetarëve e rrethinës, ka pohuar se në rrethinë ekzistojnë shumë dhelpra, ndërsa biologu për egërsira këshillon: „Dhelprat e dinë se në afërsi të njerëzve ka gjëra ushqimore, ato janë grabitqare dhe në asnjë rast, ato nuk duhet ushqyer“.