Cyrihu, qendra financiare numër 2 në Evropë

Është e vërtetë se Cyrihu është qendra financiare e Zvicrës, por edhe në një krahasim ndërkombëtar rangohet në Evropë menjëherë pas Londrës. Këtë e tregon një studim i realizuar nga ndërmarrja hulumtuese “BAK Basel”.

Regjioni i Cyrihut ka kontribuar më 2015 me 44 për qind të vlerës totale të shtuar të sektorit financiar zviceran. Kështu, qendra financiare e Cyrihut, si për bankat, sigurimet dhe shërbime të tjera financiare, është larg nga Schwyzi dhe Zugu.

Vlera e sektorit financiar të Cyrihut ishte 26.5 miliardë franga, 45 për qind e të cilave erdhën nga bankat dhe 44 për qind nga sigurimet. Kjo përfaqëson rreth 17 për qind të produktit të brendshëm bruto regjional. Për më tepër, pothuajse një në dhjetë persona kanë punuar në sektorin financiar.

Indeksi global për qendrat financiare, i cili vlerëson konkurrencën e qendrave financiare në mbarë botën, e rangon Cyrihun në pozitën e fundit, të nëntë. Ndërsa në Evropë Cyrihu vjen menjëherë pas Londrës.