Zvicra e shtrenjtë!

Zvicra mbetet vendi më i shtrenjtë në Evropë. Për ushqim dhe pije, vetëm norvegjezët duhet të paguajnë gati sa konsumatorët e këtushëm. Ndryshimet e çmimeve në Evropë janë të mëdha.

Në aspektin e fuqisë blerëse, çmimet për ushqim dhe pije në Zvicër ishin 72% mbi mesataren e BE-së në vitin 2015, thuhet në një krahasim të Eurostat, përcjell albinfo.ch. Në Norvegji, ndryshimi përkatës është 60%, në Danimarkë, vendi më i shtrenjtë në BE, është vetëm 45%.

Sipas grupeve të produkteve, në Norvegji vetëm pijet dhe duhani kanë kosto pak më shumë se në Zvicër. Zvicra është në krye të rangimit sa i përket produkteve ushqimore në Evropë. Mishi është dy herë e gjysmë më i shtrenjtë se në BE.

Nga vendet fqinje në Gjermani (plus 3 për qind), Francë dhe Itali (plus 9 për qind) janë vetëm pak më të larta se mesatarja. Ushqimi dhe pijet janë të lira në Evropën Lindore dhe në Ballkan. Në Poloni, Rumani, Shqipëri dhe Bullgari e njëjta shportë ushqimesh  kushton mes 60 dhe 70 për qind sa mesatarja evropiane.