Shkurt.ch
Vazhdon trendi i rënies së numrit të azilkërkuesve
Krahasuar me janarin e vitit 2016 ky numër (1588) është zvogëluar më shumë se përgjysmë, gjegjësisht ai është për 56.1% më i vogël
Vazhdon edhe në vitin 2017 trendi i shënuar vitin e kaluar i zvogëlimit të numrit të kërkesave për azil në Zvicër. Kështu, sipas statistikës më të re të Sekretariatit Shtetëror për Migracion (SEM) gjatë janarit të këtij viti, azil kanë kërkuar 1588 veta.
Krahasuar me janarin e vitit 2016 ky numër është zvogëluar më shumë se përgjysmë, gjegjësisht ai është për 56.1% më i vogël. Ndërsa në krahasim me muajin paraprak gjegjësisht dhjetorin e vitit 2016, kemi ulje për 10 për qind.
Sikurse edhe gjatë vitit që shkoi, shkaktare për këtë rënie është mbyllja e rrugës ballkanike të refugjatëve, që ka ndodhur në marsin e vitit 2016, shkruan albinfo.ch.
Gjatë janarit në Zvicër më së shumti azilkërkues janë regjistruar nga Eritrea, 335 ose 85 më pak se në dhjetor, mandej nga Guinea (120), Siria (113), Afganistani (99), Sri Lanka (79) dhe Somalia (70).
Gjithsej gjatë janarit, nga 2625 kërkesa të azilit për të cilat është vendosur në shkallën e parë, azili u është pranuar 533 personave ndërsa 674 të tjerë kanë fituar qëndrimin e përkohshëm (vizën F).
Po kështu gjatë janarit Zvicrën e kanë lëshuar në mënyrë të kontrolluar 568 persona.
E-Diaspora
-
“Dardania” nga Winterthuri shkëlqen në festivalin “Hasi Jehon 2024” Nata e tretë ishte radha e SHKA “Dardania”, edhe atë e fundit...
-
Kaq mërgimtarë u regjistruan deri më 9 maj
-
Ambasada e Kosovës në Austri u bën thirrje mërgimtarëve që të regjistrohen
-
Heidi Heiz: Ndërtuese e urave në arsim – Nga asistentja, në menaxhimin e shkollës
-
“FjalaFest”, festivali i letërsisë shqipe në Milano
Jeta në Zvicër
-
Zvicër: Azilkërkuesit e mitur sulmojnë njëri-tjetrin me thika Ka pasur një përleshje mes disa azilkërkuesve të mitur në stacionin e trenit Richterswil të enjten...
-
Gjeneva do të votojë për ndalimin e simboleve të urrejtjes
-
Edhe 56-vjeçarët duan t’i bashkohen policisë së qytetit të Cyrihut
-
Pensioni i 13-të i AHV mund të paguhet përnjëherë në fund të vitit
-
Në Ticino, do votohet për rregullimin e ligjit tatimor