Shkurt.ch
Qeveria forcon masat kundër dumpingut të pagave
Këshilli Federal ka vendosur t`i ashpërsojë masat mbrojtëse kundër dumpingut të pagave. Mes tjerash, firmat ku zbulohet dumping pagash duhet të llogarisin me dënime më të ashpra se deri më tash
Qeveria Federale përmes një komunikate për media njofton sot se ka vendosur që duke filluar nga 1 prilli 2017 të vejë në fuqi ndryshimet e vendosura nga parlamenti të Ligjit të shpedicionit (EntsG). Me të renë, dënimi më i lartë për ndërmarrjet që kapen në gabim do të jetë 30 mijë franga. Kohëve të fundit, dënimi maksimal që për këtë shkelje ishte vetëm 5000 franga ishte treguar shumë pak efektiv, bën të ditur qeveria.
Edhe në kushtet e sotme, ndërmarrjet që bëjnë shkelje të këtij lloji mund të përjashtohen nga tregu zviceran i punës, shkruan albinfo.ch Ndërsa me rishikimin e ligjit dy masat ndëshkuese: me para dhe me përjashtim nga tregu mund të shqiptohen edhe së bashku, pra në mënyrë kumulative. Këto mund të shqiptohen në rastet e degëve të ekonimisë në të cilat nuk ka Marrëveshje të përgjithshme të punës dhe të cilat kanë bërë shkelje të përsëritura në kuptimin e pagesës abuzuese të pagave më të ulëta.
Në të ardhmen mund të kërkohen marrëveshje normale të punës në rast se konstatohen në mënyrë të përsëritur shkelje të pagës minimale ose në rastet kur ka informacione se edhe pas nënshkrimit të kontartës normale të punës sërish mund të ndodhë dumpingu i pagave.
Rregullimi i ri shërben për të forcuar sigurinë ligjore, shkruan Këshilli Federal. Ai u hyn në punë në veçanti kantoneve kufitare si Gjeneva dhe Tiçino, të cilat tashmë në disa degë kanë lejuar nënshkrimin e kontratave normale me paga minimale.
Ligji mbi shpedicionin është i lidhur me Marrëveshjen për lirinë e lëvizjes me BE-në. Ai duhet të parandalojë që pagat zvicerane të vihen nën presion për shkak të fuqisë së huaj punëtore që ka imigruar në Zvicër.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla