Tematike
Italianët dhe portugezët sërish në kurbet
Mediet «Le Monde» dhe «24 Heures» shkruajnë se shkaku i krizës ekonomike shtetasit portugezë dhe ata italianë po braktisin vendin e tyre
Mediet «Le Monde» dhe «24 Heures» shkruajnë se shkaku i krizës ekonomike, financiare dhe të papunësisë shtetasit portugezë dhe ata italianë po braktisin vendin e tyre.
Kohët e fundit mediet perëndimore, si dhe ato të Zvicrës, janë duke e vënë theksin në ndikimin e drejtpërdrejtë të krizës ekonomike dhe financiare që e ka kapluar Portugalinë dhe Italinë dhe fenomenit të migrimit të sërishëm të portugezëve dhe italianëve në vendet e tjera perëndimore dhe në Zvicër.
Sipas «24 Heures», për çdo vit mes 50.000-100.000 portugezë e lëshojnë vendin e tyre dhe emigrojnë drejt vendeve të tjera evropjane për të gjetur punë dhe për t’ i përmirësuar kushtet e jetesës. Si pasojë e këtij migrimi të sërishëm numri i portugezëve në Zvicër, krahas gjermanëve dhe kosovarëve, po ashtu është në rritje. Për periudhën maj 2010 – maj 2011, numri i shtetasve portugezë është shtuar në Zvicër për 8467 persona, njofton e përditshmja në fjalë.
Personat që janë intervistuar në këtë shkrim kanë pasur lidhje kurbeti me Zvicën edhe ku njeri prej tyre kthehet sërish në Zvicër, pasi ishte riintegruar në vendlindje, dhe kishte nënivzojnë mungesën e punësimit, por edhe të perspektivave ekonomike dhe sociale në vendin e tyre të prejardhjes.
E përditshmja autoritative «Le Monde» në një shkrim provokues për imigrimin e brendshëm dhe të jashtëm italian, të nëntitulluar «Ritalët i kthehen sërish ekzilit», shkruan se «historia po përsëritet, shenjë kjo e keqe». Në fakt, sipas «Le Monde», mbi 134.000 italjanë të jugut kanë ikur për në veri, dhe 13.000 nga ata e kanë kaluar kufirin.
Arsyet janë thuaja po të njëjtat sikurse për portugezët, mirëpo sa u përket pasojave, ato janë edhe më të veçanta në Itali. Në fakt, duke u zbrazur nga popullate e re, Jugu i Italisë është duke pësuar «një cunami demografik», sepse përqindja e personave të moshuar të mbi 75 vjeçarëve do të dyfishohet, në mos edhe më shumë, thotë «Le Monde».
Sa i përket zhvillimit të Jugut të Italisë, për ta nxënë ritmin e Veriut dhe për të evituar këtë skenar demografik, Italisë do t’i duhen 60 miliardë euro. Për periudhën 2007-2013, Fondi i solidaritetit të Unionit Evropian ka vënë në dispozicion të Italisë shumën e 35 miliardë eurove, mirëpo vetëm 33% e këtyre fondeve janë shfrytëzuar…
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Zvicra vendosi të ndajë të dhënat e pasagjerëve të fluturimit me policinë Pa planin e propozuar, Zvicra do të përballej me disavantazhe ekonomike...
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)