Federer fiton meçin dhe grumbullon 1.4 milion franga për të varfrit në Afrikë

.4 milion frangat rrjedhin së pari në fondacionin Roger Federer” e prej aty i dedikohen Afrikës, gjegjësisht zonave të kapluara nga uria

Keystone

Një fitore e radhës për yllin e madh të tenist, Roger Federer dhe 1.4 milion franga të grumbulluara për më të varfrit e Afrikës. Ky është bilanci i veprimtarisë humanitare sportive “Match for Afrika” që u mbajt mbrëmjen e të hënës në Cyrih. Duke mundur sfiduesin e tij, skocezim  Andy Murray me rezultatin 6:3, 7:6, zvicerani Federer është bërë për të tretën herë fitues i kësaj gare.

Dy yjet kanë dhënë për të pranishmit një shfaqje të vërtetë me këmbime  spektakolare të topave.

Por, më shumë se rezultati, rëndësi në këtë aktivitet ka pasur humanizmi, gjegjësisht shuma e grumbulluar e parave. Pra 1.4 milion frangat rrjedhin së pari në fondacionin Roger Federer” e prej aty i dedikohen Afrikës, gjegjësisht zonave të kapluara nga uria.

Por ky nuk është meqi i fundit humanitar për Federerin gjatë këtij muaji. Nga fundi i prillit do të zhvillohet aktiviteti  i katërt me emrin “Match for Africa”. Kësaj radhe ai do të mbahet jashtë Zvicrës, gjegjësisht në Seattle. Atje Federer do të paraqitet kundër amerikanit John Isner.