E-Diaspora
“Duaje ose lëre”, ekspozitë e Mentor Ejupit Toro në Hamburg
Hapja e ekspozitës bëhet të premten me 21.04 dhe do të qëndrojë e hapur për publikun deri me 14 Maj 2017
Pas ekspozitës kushtuar Nënë Terezës vitin e kaluar, artisti me prejardhje nga Prishtina vjen para artdashësve europianë me ekspozitën e radhës „Love it or leave it“. Kësaj radhe është përzgjedhur hoteli privat „Lindtner“ në Hamburg, si qendër e Rotary Club njëherësh qendër e artit bashkëkohor ndërkombëtar. Ai, me vite të tëra njihej edhe si rezidenca e artistit me përmasa ndërkombëtare Kamendy i cili ka ndërruar jetë para dy vitesh.
Të premten më 21 Prill nga ora 19:00 do të hapet ekspozita e Mentor A.Ejupi Toro si fillim i ri i traditës së këtij hoteli me dashuri të veçantë ndaj artistëve ndërkombëtarë.
„Duaje ose lëre“ është një ekspozitë me 20 piktura të punuara në formate të mëdha në teknikën e vajit në kanavac. Motivet e punëve janë të bazuara në historinë qindra vjeçare të qytezës që deri para Luftës së Dytë Botërore i takonte Mbretërisë së Hanoverit dhe se me ligjin e nazistëve iu bashkëngjit metropolit 2 milionësh, Hamburgut, bashkisë së të cilit i takon edhe sot e asaj dite.
Ky titull i është vënë ekspozitës nga ana e Toros si shenjë proteste apo si dashuri-urrejtje ndaj situatës aktuale, si asaj politike dhe sociale po ashtu në veçanti në shenjë të planifikimit të hapësirës dhe jetës urbane.
„Kur shoh fotografitë e paraluftës dhe i krahasoj me gjendjen aktuale të qytetit tim ku jetoj që 24 vite, më vjen të eksplodoj nga zemërimi“ -shprehet Toro ; duke vazhduar “nuk ka bërë lufta dëme sa kanë bërë drejtuesit e planifikimit urban dhe arkitektët me shije depresive“. Kështu u shpreh artisti nga Kosova sot në konferencën e shtypit në Hamburg.
Foto: Niels Kreller
Biografi e shkurtë:
- Emri e mbiemriMentor Ejupi
- Prejardhja:Prishtinë
- Vendi ku vepron:Hamburg, Gjermani
- Profesioni:Piktor
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
SNB, 58.8 miliardë fitim neto në tremujorin e parë Duket se pas deficitit prej 3.2 miliardë lekësh të regjistruar vitin e kaluar, Banka Kombëtare e...
-
Migros do të sjell hamburgerë të rinj, zviceranët skepitkë
-
Rreth 150 mëlçi transplantohen në të gjithë Zvicrën çdo vit
-
Dështon nisma që donte të ndryshonte Kushtetutën
-
Rritet numri i kopshteve dygjuhëshe në Zvicër