Tetori me temperatura më të larta se zakonisht

Tetori ishte më i ngrohtë se sa pritej për këtë sezon. Në veri-perëndim të Zvicrës, Valais dhe Ticino, temperaturat janë ngritur për një shkallë më të larta se mesatarja e zakonshme mujore.

Në pjesën e madhe termometri ka shënuar një tetor gjysmë shkalle më të lartë se norma, ka treguar të enjten MeteoNews. Megjithatë, ka dallime të forta rajonale: në qoftë se në Zvicrën qendrore dhe lindore ka rënë shumë shi, në atë perëndimore si dhe në Alpet Jugore është regjistruar një deficit i sasisë së ujit.

Më e rëndësishmja qëndron te fakti se gjatë muajit tetor, në shumicën e Zvicrës orët me diell kanë qenë më të shumta se zakonisht. Dhe, për kënaqësinë tonë, ditët e fundit të muajit do të vazhdojnë me diell, sidomos në pjesë të larta, ku temperaturat do të jenë relativisht të buta për sezonin.