Zvicër: Më shumë viktima nga barnat se nga aksidentet në trafik!

500 njerëz vdesin si pasojë e barnave jo adekuate, ose ngatërrimit të tyre ndërsa në trafik gjatë vitit 2010 kanë humbur jetën 327 veta

Në Zvicër më shumë njerëz vdesin nga përshkrimi ose dozimi i gabuar i medikamenteve, nëpër spitale, se sa nga fatkeqësitë në trafik.

Siç ka konstatuar emisioni 10vor10 i transmetuesit televiziv publik sf1, rreth 500 njerëz vdesin si pasojë e barnave jo adekuate, të ngatërrimit të tyre ose të dozave të mëdha, ndërkohë që ne trafik gjatë vitit 2010 kanë humbur jetën 327 veta.

Sipas studimeve tjera, numri i njerëzve që vdesin gjatë trajtimit nëpër spitale është 1200, prej të cilëve 40% në lidhje me medikamentet.

Paketimet e ngjashme të medikamenteve të ndryshme, pastaj sasia dhe dozimi, të cilat shpesh nuk dallohen vizuelisht në pakot e barnave përbëjnë problem në këtë fushë.

Nga viti 2013, pakot e medikamenteve do të kenë ngjyra që do të dallohen sipas dozës, sasisë së barnave që kanë brenda.