Moratorium kundër hyrjes së Zvicrës në BE

Iniciativa kërkon që Zvicra gjatë dhjetë viteve të ardhshme të heq dorë nga negocimi për hyrje në Bashkimin Evropian

Një iniciativë popullore kërkon që Zvicra gjatë së paku dhjetë viteve të ardhshme të heq dorë nga çfarëdo negocimi për hyrje në Bashkimin Evropian. Iniciativa është promovuar nga një grup politikanësh të spektrit të djathtë nga regjioni i Cyrihut.

Teksti i kësaj iniciative është publikuar sot në gazetën Zyrtare të Zvicrës. Vetëm pas kalimit të këtij moratoriumi 10 vjeçar, qytetarët e Zvicrës do të shpreheshin me referendum për vazhdimin e tij të mëtejmë ose jo.

Gjatë kësaj kohe, interesat e Zvicrës në raport me vendet tjera do të realizoheshin përmes marrëveshjeve bilaterale dhe multilaterale me bazë të drejtën ndërkombëtare. Afati për mbledhjen e nënshkrimeve për këtë iniciativë rrjedh deri më 23 maj 2012.