Samsung sjell në janar telefonin që paloset

Siç duket, nuk do të pritet edhe shumë për telefonin e shumëpërfolur që mund të lakohet.

Gjiganti korean, Samsung, planifikon të shpalosë telefonin me emrin Galaxy X në muajin janar, sipas një raporti të “Yahoo News”, transmeton Albinfo.ch.

Raporti vjen pasi faqja e kompanisë për produkte u shfaq në uebfaqen e Samsungut. Ajo u vërejt nga “Mobilekopen” dhe në të shihej modeli i numrit të telefonit, që më parë përmendej si Galaxy X.

Presidenti i sektorit të telefonave të Samsungut, Koh Dong-jin, më parë kishte konfirmuar se kompania do të lansojë një telefon që mund të paloset dikur në vitin 2018.

Akoma nuk dihet se si do të duket pajisja, por pritet që të jetë një telefon që mund të paloset në mes, sikurse versionet e telefonave të vjetër ‘flip’.