Nuk ka ligj nacional për mbajtjen e qenve

Ka dështuar përpjekja e unifikimit të qëndrimeve në mes të dy dhomave të Parlamentit Federal lidhur me ligjin e ri, unik për mbajtjen e qenve. Në një gjendje të tillë nuk do të ketë së shpejti ligj nacional që do të vendoste rregull në qasjen me qentë, shkruan në 20 Minuten.ch

Për këtë arsye kantonet edhe në të ardhmen do të vazhdojnë të vendosin rregullat e tyre sa i përket qasjes ndaj qenve të racave të rrezikshme. Disa kantone tashmë kanë vepruar në këtë drejtim. Kështu, kantoni i Cyrihut ka bërë ndalimin e disa racave të qenve dhe ka vendosur detyrimin për mbajtësit e qenve që të ndjekin kurset profesioinale.