Oferta zvicerane për Timoschenkon, humanitare dhe jo politike

Sipas Markwalder, parlamentarët zviceranë nuk e kuptojnë këtë ofertë si mbështetje politike për Timoschenkon por vetëm si një gjest human

Grupi Parlamentar Zvicër-Ukrainë dëshiron që t`i mundësojë ish kryemninistres ukrainase Julia Timoshenko trajtimin mjekësor në Zvicër. Lidhur me këtë, grupi në fjalë i ka shkruar Qeverisë Federale të Zvicrës që t`u drejtohet autoriteteve ukrainase me ofertën në fjalë. Qeveria nuk ka dhënë ende ndonjë përgjitgje, ka deklaruar kryesuesja e grupit, deputetja nga FDP, Christa Markwalder. Mirëpo, presidentja e vendit Eweline Widmer-Schlumpf tashmë ka treguar simpati me propozimin.Sipas Markwalder, parlamentarët zviceranë nuk e kuptojnë këtë ofertë si mbështetje politike për Timoschenkon por vetëm si një gjest human.Julia Timoshenko që prej një kohe ndodhet në burg, sipas informatave të të bijës është më keq me shëndet. Ajo po refuzon trajtimin në një klinikë ukrainase. Mjekë të Klinikës Universitare të Berlinit Charite rekomandojnë që t`i mundësohet trajtimi në një klinikë specialistike. Departamenti i Punëve të Jashtme i Zvicrës (EDA) shprehet i brengosur lidhur me arrestimin dhe me gjendjen shëndetësore të Timoshenkos. Ky shqetësim i është përcjellë edhe përfaqësuesve zyrtarë të Ukrainës. Atyre u ka kërkuar të heqin dorë nga çdo trajtim jo human të ish kryeministres së vendit.Grupi Zvicër-Ukrainë nuk e mbështet idenë e bojkotimit të Kampionatit Evropian të Futbollit që pas një muaji do të mbahet në Ukrainë.Në këtë grup bëjnë pjesë rreth dhjetë deputetë nga CVP-PDC, FDP-PLR, SVP-UDC dhe GLP. Para se të zgjidhej ministër, edhe ish deputeti is SP-PS, Alain Berset bënte pjesë në këtë grup.