Audi kurseu gati 110 milionë euro më 2017, falë sugjerimeve të punëtorëve

(KEYSTONE/DPA/Julian Stratenschulte)

Punëtorët e gjigantit automobilistik Audi, sipas një njoftimi të kompanisë, i kanë kursyer shefave 108.6 milionë euro në vitin 2017 në punën e tyre në fabrikat në Ingolstadt dhe Neckarsulm.

“Ne përherë i inkurajojmë punëtorët tanë të shohim afër në secilën pjesë dhe të mendojnë, sepse kreativiteti dhe shpikjet e të gjithëve në Audi janë kyçe në suksesin tonë”, ka thënë Johacim Kraege, shefi i Organizimit në Aui.

Në këtë kompani thonë se idetë më të vogla mund të kursejnë mijëra dollarë. Përfshirja e ideve të vogla, kompanisë i ka kursyer miliona dollarë, transmeton Albinfo.ch. Në hapësirën e zhvillimit të motorëve, dy mirëmbajtës panë se sistemi i ventilimit në ndërtesë operonte ditë e natë. Të dy sugjeruan që ai gjatë javës të funksiononte nga ora 6 në mëngjes deri në 22 në mbrëmje, ndërsa të reduktojnë shpejtësinë e sistemit kur punëtorët s’janë aty. Kjo i kurseu kompanisë 100 mijë euro në vit.

Audi thotë se ka kursyer 33 milionë euro në fabrikat në Gyor dhe Bruksel pasi dëgjoi sugjerimet e punëtorëve më 2017.

Përpos që i ndihmojnë në kursime, punëtorët që sugjerojnë dhe që sugjerimet e tyre dalin të mira për kompaninë, marrin shpërblime varësisht prej kursimeve që bën kompania.