Zvicra, sërish vendi më i mirë në botë

Zvicra u rendit i pari për të dytin vit radhazi (nuk u përfshi në vitin e parë të sondazhit) përpara Kanadasë në të dytën, pasuar nga Gjermania

Foto ilustrim

Derisa elita politike dhe e biznesit botëror po vijnë në Zvicër për Forumin Ekonomik Botëror në Davos, ata mund të sigurohen se po hyjnë në vendin më të mirë në botë, shkruan albinfo.ch.

Ky është vendimi i raportit të Vendeve më të mira për vitin 2018, i cili përsëri e ka vendosur Zvicrën në krye të vlerësimit të 80 shteteve, sipas atributeve, që ai i konsideron ‘të rëndësishëm për suksesin e një kombi modern’, duke përfshirë ndikimin ekonomik, cilësinë e jetës dhe reputacionin, raporton “The Local”.

Tani në vitin e tretë, Raporti i vendeve më të mira është një projekt i përbashkët nga shërbimi dixhital i lajmeve “US News & World Report”, kompania e marketingut “Y & R” dhe Shkolla “Wharton”, një shkollë biznesi në Universitetin e Pensilvanisë dhe bazohet në një anketë të 21,000 njerëzve duke përfshirë udhëheqësit e biznesit, “elitat e informuara” dhe publikun e gjerë.

Zvicra u rendit i pari për të dytin vit radhazi (nuk u përfshi në vitin e parë të sondazhit) përpara Kanadasë në të dytën, pasuar nga Gjermania, Mbretëria e Bashkuar dhe Japonia, në pesë të parat.

Suksesi i Zvicrës ishte pjesërisht për shkak të reputacionit të tij si një ekonomi e qëndrueshme, e begatë e cila është e hapur për biznes.

Lista:

https://www.usnews.com/news/best-countries/overall-full-list