Rama tregon se me Vuçiqin folën për vrasjen e Ivanoviqit

Kryeministri i Shqipërisë, Edi Rama ka treguar se në takimin që ka pasur me presidentin e Serbisë, Aleksander Vuçiq, gjatë qëndrimit në Davos kanë biseduar për vrasjen e politikanit serb në Kosovë, Oliver Ivanoviq, për të cilin tha se nuk ka ndikuar negativisht në ecurinë e mëtejshme të dialogut, përcjell albinfo.ch.

“Vrasja e Ivanoviq në Kosovë nuk ka ndikuar negativisht në ecurinë e mëtejshme të dialogut mes Kosovës dhe Serbisë, që ne e mbështesim fuqimisht, e nga ana tjetër, në funksion të procesit të Berlinit dhe rritjes së bashkëpunimit rajonal në çdo aspekt ne jemi besimplotë që po hyjmë në një fazë të re, ku ka një rritje të ndjeshme të interesit të kompanive të huaja për të investuar në rajon, dhe posaçërisht në Shqipëri.

Pasqyra e përgjithshme është optimiste për të ardhmen e afërt. Një vend që negocion anëtarësimin është ende me besueshmëri shumë të lartë edhe për investitorët dhe negociatorët”, tha Rama në mbledhjen e grupit të Partisë Socialiste.